Ыр деп апа кезип жүрөм ааламды
Ыраасын да билбейм пайда табамын
Дабаа таппай жүрсөм сизге кечирчи
Доктур болбой ырчы болгон балаңды
Кайырма
Күлчү апаке күлчү ошол керемет
Күлкүңүздөн жазга айланып көгөрөт
Азабыңды актабасам бир күнү
Алдыңызга баш урайын чөгөлөп
Бир үшкүрбөй азабыма чыдап миң
Башка сиздей данаакерлик кылат ким
Сиз бар үчүн жер огунда айланып
Сиз бар үчүн ааламыма чыгат күн
Мен кыйналсам көздөн сызып ачуу жаш
Мага сиздей бирөө күйүп жашыбаз
Билем бирок бир тамчыңа жашыңдын
Менин кылаар миң мээнет татыбас
Жан дүйнөңө мен деп кайгы топтолуп
Жашысаңыз жаным кейип от болуп
Аалам дагы кызык эмес апаке
Аалам өзү кетет мага жок болуп
