Ишенипмин ар бир жылуу сөзүңө,
Тике карап жал ооруткан көзүңө.
Жалган сүйлөп көңүлүмдү ооруттуң,
Сөз коротпойм, жаш коротпойм, барк коротпойм өзүңө.
Баалабапсың арзып сүйгөн жүрөктү,
Каалабапсың кадыр тутар түнөктү.
Кыйбасым деп жашап жүрөт деп жүрсөм,
Кылыктанып басып кетчү, оюң башка, бөлөкпү?
Безилдээрсиң кези келсе сезерсиң,
Колдон учкан ырыскыңды издээрсиң.
Жеңил ойдун азабына чөмүлүп,
Ак сүйүүнүн кадыр-баркын, жаным бир күн сезерсиң.
Кадырымды сезерсиң…
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
