Жарк эткен күндөй, жайнаган гүлдөй өлкөмдүн кыздары,
Жылдыздай нурдуу, деңиздей сырдуу кыргыздын кыздары.
Махабаттын булагы, жаштык кездин кумары,
Жашообуздун чырагындай.
Ак сезимдин булагы, алтын кездин кумары,
Дилдин ыйык тумарындай кыздар, ай.
Кайырма:
Ала-Тоонун жылдыздары,
Акмаралдары, кундуздары,
Теңдеши жок бул ааламда
Кыргызымдын кыздары.
Шаңкылдап күлгөн, жайдары жүргөн чолпондой көктөгү,
Таалайдын таңы, турмуштун шамы, жашоонун көктөмү.
Махабаттын булагы, жаштык кездин кумары,
Жашообуздун чырагындай.
Ак сезимдин булагы, алтын кездин кумары,
Дилдин ыйык тумарындай кыздар, ай.
Темир Назаров — Кыздар тексти
Датасы: 19.10.2020 Көрүүлөр: 437
