-Эжеке, эжеке, айтыңызчы,
Мээрим, мээрим, мээрим,
Мээрим деген эмне?
-Мээрим — мээримдүү күн,
Мээрим төккөн жериме.
Жакшы көрөм күндө эртеден,
Күндүн жайнап күлгөнүн.
Мээрим төгүп бакчамдагы,
Гүлдөрүмдү өпкөнүн.
-Эжеке, эжеке, айтыңызчы,
Мээрим, мээрим, мээрим,
Мээрим деген эмне?
-Мээрим — эркелетип,
Сени өстүргөн ата-эне.
Жакшы көрөм күндө эртеден,
Энем жайнап күлгөнүн.
“Тура кой” деп эркелетип,
Көздөрүмдөн өпкөнүн.
-Эжеке, эжеке, дагы айтыңызчы,
Мээрим, мээрим, мээрим,
Мээрим деген дагы эмне?
Мээрим — сенин атың,
Мээримдүү кыз, кичине.
Жакшы көрөм, жакшы көрөм.
Сизди, эжеке, абдан.
Мээрим төгүп ырдап берчи,
Ушул ырды башынан.
Ырдап берчи, ырдап берчи,
Ушул ырды башынан.
-Макул, ырдайын.
Анда силер айткылачы,
Мээрим, мээрим, мээрим,
Мээрим, мээрим деген эмне?
-Мээрим — эң мээримдүү,
Кең пейилдүү Жер эне.
-Азаматсыңар, балдар!
Эми чогуу ырдайлычы:
-Мээрим, мээрим, мээрим,
Мээрим деген эмне?
-Мээрим — Ата Мекен,
Мээрим төккөн элиме.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
Ката жок сонун экен
Чын эле катта жок бизге берген болчу ушуну жаттап барсам мактады эжем ❤️❤️
Катта эмес ката эле болот
Сонун ыр чыгардынар
Сонун ыр экен укам угуп алып жататап койунузчу деп атат
Соонун ыр. Мага абдан жагат. Мен окуучуларга үйрөтүп жатам.