Күнгөйүң аска, тескейиң арча,
Көркүңө көңүл бурабыз.
Өзөнүң бойлоп, баратып ойноп улан-кыз,
Кемин, Кемин жашыл жашоо байрагы,
Жүрөккө ынак, көңүлгө куунак ардагым.
Сага эргидим,
Бактылуу элдин бактысы сенсиң, Кеминим.
Тамчы сууң дары, тамшанган баары,
Табигат тандап бергендей.
Кылымдар камдап, кыргызга арнап келгендей.
Кемин, Кемин жашыл жашоо байрагы,
Жүрөккө ынак, көңүлгө куунак ардагым.
Сага эргидим,
Меймандос элдин мекени сенсиң, Кеминим.
Сары-Өзөн, Чүйдөн, жанымдай сүйгөн,
Кеминим чыкпайт көңүлдөн.
Сары-Күнгөй, Коңур, Көк-Ойрок кымбат өмүрдөн,
Кемин, Кемин жашыл жашоо байрагы.
Жүрөккө ынак, көңүлгө куунак ардагым.
Сага эргидим,
Беделдүү элдин бешиги сенсиң, Кеминим.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
