Катыңды алдым чын жүрөктөн айтылган,
Ак кагазга алтын сөздөр жазылган.
Окуп жатып ойго түштү бир элес,
Ошондо мен сылагандай чачыңдан.
Эске түштү бирге жүргөн күндөрүм,
Тоо аралап тандап үзгөн гүлдөрүм.
Кулагым шаңк-шуңк этип угулат,
Көл боюнда көңүл ачып,
Көл боюнда көңүл ачып жүргөнбүз.
Катка жазган кабарыңды окудум,
Кайра-кайра көпкө карап отурдум.
Он килодон эмгек алдык дегенде,
Кубанычка кучагымды толтурдум.
Сүйүү жолун эмгек менен чыңайлы,
Кубанычка көп кубаныч улайлы.
Окуу, эмгек, экөөнө тең үйрөнсөк,
Өмүрлүккө ошол берет,
Түбөлүккө ошол берет убайды.
Жаштык деген жайдын ысык күнүндөй,
Закымданып жаштык өтөт билинбей.
Бирок дайым жаш кылуучу адамды,
Окуу, эмгек — соолбос өмүр гүлүндөй.
Сенден башка сүйгөнүм жок, ойлогун,
Кош сүйүүгө мен да убара болбоймун.
Өзүң менен бирге өтсө өмүрүм,
Тилек бирге орундалат,
Үмүт бирге орундалат ойлогун.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
Сонун