Олтурамын кыялданып,
Илхом келип, ырлар жазып.
“Сүйүүм качан келесиң?” деп,
Суроону мен ырга айлантып.
Кайырма:
Сүйүү, сүйүү керемет,
Тунук сүйүү бир келет.
Чынын айтсам, селкилер,
Мага сүйүү келе элек.
Жүрөк сүйөт бир сулуу,
Көңүл сүйөт миң сулуу.
Издеп жүрөм таба албай,
Араңарда ким сулуу?
Тарта албаймын элесиңди,
Түштө аян бересиңби?
Жаштык кезим өткүчөктү,
Сүйүүм мага келесиңби?
Кыялымда самаганым,
Боло элек махабатым,
Сезгендиктен келериңди,
Ырларымды сага арнадым.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
