Адамды өлгөн соң мыкты дейбиз
Аттиң ай ажал кайдан чыкты дейбиз
Жараткан кайра тирилт жарым саатка
Жалбарган үнүбүздү укчу дейбиз
Жаныбызда жүргөндө карадык дейт
Жан эле бул кандай деп бааладыкбы
Жан дүйнөсү жабыркайт күтүү балким
Жарды ооз жакшы сөзгө жарадыкбы
Калтырбай көңүлдөрдү тирүү кезде
Кадырлашып жашасак колдон келсе
Жакшы сөздү эмнеге аяйбыз биз
Жараткан сүйлөгөнгө жөндөм берсе
Жашоонун канча түрлүү жолдору бар
Кээбири абдан кенен кээбири тар
Адамга бир түз жолду тандаш кыйын
Себеби жаңылуу бар адашуу бар
Жашоону байкап турсам оңдуу доңдуу
Кээде шаңдуу кээде өкүнүчтүү
Баардыгын башыбызга салып коюп
Тагдырдын сынактары түрлүү түрлүү
Акыркы биздин заман жалган заман
Азыркы биздин заман чыңдоо заман
Баардыгы өзүн гана ойлоп тура
Түшүнбөйм биз жашап жаткан кандай заман
Катуурак кармаганда башкаргандар
Жолуктурмак эмес жасагандар
Байсыңбы кедейсиңби бирдей жаза
Алышса аз болмок го таарынгандар
Коркобуз кудайлайбыз баардыгыбыз
Акыйкат чындык деген унутулган
Ким билет айткылачы биз канткенде
Жашообуз өтөт биздин эч катасыз
