Көздөрүң нурун жанып,
Жүрөктүн отун жагып,
Карагым, кайда кеттиң?
Зарыгып сени күтсөм,
Сагынтып жүрөктү эздиң.
Күлгөнүң шыңгыр булак,
Өзүңдө күлгүн курак,
Арманга мени салдың.
Артыңдан бара албай.
Алоолоп күйүп-жандым.
Кайырма:
Күндөрүм өтөт сенсиз арманда,
Көрөмбү, жаным, сени жалганда?
Кайдасың, кара көзүм?
Кайрылып келчи мага.
Берметтей күйүп-жанып,
Сөзүңдүн балы тамып,
Ээледиң беле жүрөктү?
Отурам сени самап,
Ортодон далай күн өттү.
Дарегиң таппай келем,
Дайынын айтпайт белең,
Мынча не жанды кыйнадың?
Жел менен учуп сага,
Жетеби менин ырларым?
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
