Кара чачтуу, кара каш,
Карайсың мени карындаш.
Кадырыңа жетермин,
Кайрылып өзүң жакындаш.
Көңүлүм түшүп карадым,
Көргөндө сенин өзүңө.
Көп жарпыңды жазбадым,
Көрүнүп коюп көзүңө.
Түндөгү айткан бир сөзүң,
Түшүмдөй менин көрүндү.
Түбү ийгилик болсун дейм,
Түңүлтпөй сенден көңүлдү.
Жарк этип карап күлгөнүң,
Жарыгы айдай көрүнөт.
Жанымда турсаң эркелеп,
Жаркыным көңүл бөлүнөт.
