Жаным сүйүп жандай көргөн жар элең
Маңдайымда күйүп турган шам элең
Сен бир булбул бутагымда сайраган,
Сен бир мага көлөкөлүү тал элең.

Кырчын талдын ким кыйды экен бутагын,
Боз туйгунга ким жайды экен тузагын.
Өсүп, өнгөн сүйүү таттуу гүлүңө,
Кандай душман суу ордуна уу жайдың.

Ойлоп, ойлоп ой түйүнүн чечкенде,
Сынга толуп сыпатыңды сезгенде.
Мен өзүмдү сага бермек болгомун,
Өмүрлүккө белек кылып эскерме.

Түтүнү жок өрткө түшкөн жүрөгүм,
Сен да мендей абалдасың билемин.
Качан келет сапарыңдан деп жүрүп,
Сагынгандан саргаят го иреңим.

Ысык күндө көлөкөңдө уктайын,
Суук күндө сөөлөтүңдөн чыкпайын.
Бери келчи кадимкидей эркелеп,
Бек кучактап алкымыңдан жыттайын.

Топ 10 популярдуу ыр

Ырдын атыLike саны
Азиз Батыров — Алга Кыргызстан тексти356
Гүлназ Чыныбек кызы — Жолуксак кандай жакшы тексти303
Азиза — Көк жылгаяк тексти262
Нурлан Насип - Ата171
Самара Каримова. Жаңы жылды тосолу тексти жана mp3156
Самара Каримова - Менин атам жакшы адам тексти129
Нурлан Насип - Эне тилде сүйлөйлү тексти112
Айпери Кулбаева — Апакем тексти110
Султан Садыралиев - Адамга адам керек тексти97
Динара Тилекеева — Апам менен атама тексти93

Сизге жактыбы? Комментарий жазыңыз

Сиздин email адрес жарыяланбайт.