Ат баспаган асканын,
Аралай басып ак карын.
Жайыттап күнгөй-тескейин,
Кой болду менин бакканым.
Тетиги Сары-Кыр жакка,
Чойт эркечим, чойт эркечим, баштагын!
Тетиги Сары-Кыр жакка,
Чойт эркечим, чойт эркечим, баштагын!
Ат баспаган асканын
Мен бастым шагыл-таштарын.
Кой баккан сонун турбайбы,
Балалык ойду таштадым.
Тетиги Кара-Шорого,
Чойт эркечим, чойт эркечим, баштагын!
Тетиги Кара-Шорого,
Чойт эркечим, чойт эркечим, баштагын!
Деги эле келбейт чарчагым,
Аңкыса жыты арчанын.
Кыз сүйгөндөй болосуң,
Сылап саамай чачтарын.
Күн кечтеп кетти короого,
Чойт эркечим, чойт эркечим, баштагын!
Тетиги Сары-Кыр жакка,
Чойт эркечим, чойт эркечим, баштагын!
Жоодарбешим — Койчунун ыры тексти
Датасы: 26.09.2020 Көрүүлөр: 2445
Иним кайырмасы чоой серкечим деп айтылат
Серкеч деген эчкинин эркегин айтат