Уурулук жана алдамчылык менен жан баккан киши болуптур.

Бир жолу ал көпкө чейин көчө кыдырып жүрүп, уурдаганга ыңгайлуу эч нерсе таппайт. Ушинтип жолу болбогон ал акыры базарга барып эки жактагы соода кылган элди карап көпкө турат.

Бир убакта колдоруна толтура баштык көтөргөн аял энтеңдеген бойдон жанына келип калат.

– Ак көңүл адам, менин баштыктарыма көз сала турасызбы? Колдорум тимеле түшүп калды. Бирок алчуларымдын теңин араң алып бүттүм. Келесоо жаным мынча оор оокаттарды өзүм жалгыз көтөрө албасымды ойлонбоптурмун,- деп сүйлөнгөн ал алдамчынын жанына баштыктарын койо салып, кайрадан базар аралап жөнөп кетет.

Минтип оңой олжолуу болгонуна ичинен кымыңдап, сыртынан сыр алдырбай мостойгон ууру:

– Ооба, эч нерсени ойлонбогон келесоолугуң кебетеңден эле көрүнүп турат. Болбосо базарда алдамчылар менен уурулар болорун ойлойт элең да. Ушунуң үчүн эле сени жазалап, кийинкиңе сабак болгудай кылышым керек,- деп аялдын баштыктарын өзүнүкүндөй көтөрүп үйүнө жөнөгөн экен.

Топ 10 популярдуу жомок

Ырдын атыLike саны
Алия менен жылкы70
БУГУ ЭНЕ(«Ак кеме» повестинен үзүндү)54
Карышкыр менен эчки43
Акылдуу кыз жомок36
Тамсил: Кемпир жана тоок33
Булардын кайсынысы чоң30
Карышкыр жана жети улак29
Акылдуу балдар25
Кичинекей жалбырак жөнүндө жомок20
Бактылуу карылык жомок17

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *