Жолоочунун жолунан үч караан кезигип калат. Аларды көргөн жолоочу:
– Кутмандуу күнүңөр менен! – деп өтүп кетет.
Тиги үчөө «саламды сага эмес мага айтты» болуп өз ара кыжыңдашып, жолоочунун аркасынан бирөөсү жүгүрүп жетип сурайт:

– Сен үчөөбүздүн кимибизге кутмандуу күн кааладың?
Жолоочу таңгалып сурайт:
– А силер ким болосуңар?
Тигилердин бирөөсү айтат:
– Мен – Күнмүн!
Башкасы айтат:
– Мен – Аязмын!
Үчүнчүсү айтат:
– Мен – Шамалмын!
– Шамал болсоң, демек Шамалга айттым кепти.
Күн айтат анан жолоочуга:
– Мен сени нурума кактап какшытам.
Шамал айтат:
– Коркпо, мен сени ысыктан коргоп, желдетемин.
Аяз сүйлөйт каарданып:
– Мен сени кышында тоңдурбасам элеби!
Шамал айтат Аязга:
– А мен сени тоңдуруп таштаймын. Мен бурганактачу болсом, заматта жок болосуң. Анан жылуулук башталат, – деген экен.

Топ 10 популярдуу жомок

Ырдын атыLike саны
Көмөч нан (колобок) жомок18
Алтын балык17
БУГУ ЭНЕ(«Ак кеме» повестинен үзүндү)13
Жетим менен сыйкырчы жомок11
Акылдуу кыз10
Кыска жана күлкүлүү жомоктор9
Дервиштин кызы7
Жарык жол7
Кичинекей жалбырак жөнүндө жомок7
Акылдуу балдар5

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *