Тойбосс
Тойбосс

Бир күнү монастырдын башчысы бир кечилге айтты:

– Кампага чычкан толуп кетиптир. Айылга барып бир мышык алып келчи.

Ал кечилдин кулагы жакшы укпайт экен. Айылга келип кичинекей сиңдисин  ойнотуп отурган кызды көрүп, ага айтат:

– Башчыбыз мени  монастырга балапан алып кел деп жиберди.

Кыздын да кулагы укпайт экен, тигинин айтканына кыйкырып жиберди:

– Баланы ким сураса да бербеймин! – деп аябай жини келип, колун булгалап жиберди.

Кечил да каарданып кыйкырды:

– Сен кудайга кызмат кылган кишиге эмнеге ачууңду келтирип күнөөгө батып жатасың?! – деди кызга  таарынып.

Кечил жооп күтпөстөн кайра кетип калды. Кыз кулагы укпаган энесине жүгүрүп барып айтты:

– Монастырдын башчысы эмнегедир ага баланы алып келсин дептир!

Дүлөй аял бакты көздөй жөнөдү. Ал жерде тамаринд дарагынын көлөкөсүндө күйөөсү мышыгы менен ойноп отурган.

– Тур, жолго даярдан, монастырдын башчысы  биздин музоону алып келсин дептир.

Окшошконго мушташкан болуп күйөөсү да дүлөй экен.

– Мейли, – дептир чала уккан күйөөсү. – Мышык десе мышык алып барып берели. Кудайга кызмат кылгандардан эмне аямак элек!

Ошентип айтып, мышыгын монастырга алып келди. Башчы мышыкты алып кечилдерге айтат дейт:

– Карасаңар, дүлөй болсо да баарыңардан  жакшы, айтканды так аткарат!

Топ 10 популярдуу жомок

Ырдын атыLike саны
Ак эмгек – даамдуу нан184
Акылман казы жомогу156
Акылдуу бала148
УБАДАГА БЕК ЖИГИТ136
Көмөч нан (колобок) жомок123
КҮЧ БИРДИКТЕ ЖОМОГУ122
Толубай сынчы жомок122
Алданган бүркүт102
Кыска жана күлкүлүү жомоктор98
Жорунун билемди үйрөнгөнү жомогу91

Сизге жактыбы? Комментарий жазыңыз

Сиздин email адрес жарыяланбайт.