Илгери бир акылсыз карышкыр жашаптыр. Бир күнү ал эчкиге жолугуп калып минтет:

– Азыр сени жейм.

– Макул,  эгерде менин тагдырым ушундай болсо кантмек элем. Бирок мен абыдан картайдым, анан да арыкмын. Эгерде сен биртке күтө алсаң, мен үйгө чуркап барып, кызымды сага жиберем. Анын эти жумшак,  өзү жаш.

Карышкыр макул болуп, эчкини коё берди да, бадалдын түбүнө жатып күтүп калды. Эчки үйгө чуркап барды да, карышкыр жөнүндө койчуга айтып берди.  Койчу акырын аңдып келип бадал түбүндө жаткан карышкырды таягы менен чаап калды, ал койчудан  араң качып кутулду.

Башка күнү карышкыр койду жолуктурду.

– Кой,–  деди ал,–   мен сени азыр жейм.

–  Макул,–  деп элпектене  жооп берди кой,–   тагдырдан качып кутулат белем, бирок мага өлүм алдында бийлеп алууга уруксат бер.

Карышкыр макул болду. Кой карышкырды айланып бийлей баштады. Бийлеп жатканда   чоң-чоң тегеректерди жасап  алыстай берип, акырында качып кетти.  Карышкыр дагы да түшкү тамаксыз калды.

Андан ары талаа бойлоп баратты.  Жылкы оттоп жүрүптүр.  Карышкыр анын жанына келип:

–  Жылкы, мен азыр сени жейм.

– Макул,–  деди жылкы,–   бироксенден суранам, мени куйругуман баштап жечи, башым дагы да оттой турсун.

–  Макул,–   деп карышкыр  жылкынын куйругуна келди.

Жылкы аны кош аяктап ээк талаштыра тээп калды. Ошентип, карышкырдын да күнү  бүттү.

Топ 10 популярдуу жомок

Ырдын атыLike саны
БУГУ ЭНЕ(«Ак кеме» повестинен үзүндү)12
Алтын балык10
Жетим менен сыйкырчы жомок10
Көмөч нан (колобок) жомок9
Алия менен жылкы7
Акылдуу кыз жомок6
Кичинекей жалбырак жөнүндө жомок6
Акыл карачач3
Атанын керээзи жомок3
Бакыт-таалай каякта?3

Сизге жактыбы? Комментарий жазыңыз

Сиздин email адрес жарыяланбайт. Обязательные поля помечены *