«Досун акылсыздар гана мазактайт»
Бир куну бир бөжөк апасына ыйлап келет да, даттанып:
— Апаке, мамалак болсо мени бүтүк көз деп мазактап жатат, — дейт.
Бирок апасы бул уруштун кантип баштаганын билгиси келет да:
— Дагы эмне деди?-деп сурайт.
— Калкан кулак, алан көз деди,- дейт баласы.
— Андан мурда сен ага эмне дедин? — деп сурайт апасы кайра.
— Менби? Мен… Эч нерсе деген жокмун,- деп кымындайт бөжөк.
— Сен эч нерсе дебесен эле биринчи өзүнөн-өзү мазактап баштады да ээ? — дейт апасы жылмайып.
— Эме, ии, жолдон ага жолугуп калдым да, анан чанач» деп мазактадым, — дейт бөжөк.
— Мына көрдүнбу балам? Сени мамалак жөн жерден эле мазактай бербейт да. Биринчи өзүн баштап алып, анан мага даттанасың. Бул туура эмес!-дейт апасы.
Бөжөк кылган жоругуна аябай уялып, мындан кийин биринчи мазактабаганга апасына сөз бериптир.
