«Эмнени эксең, ошону аласын»

Илгери- илгери бир заманда бир залим падыша жашаптыр. Ага өзүнүн элин кыйнаганы абдан жакчу экен. Ушул себептен анын колунан зыян тартпаган эч бир жан калбаптыр. Акыры элдин баары падышадан тажап да, чарчап да бүтүшөт.

Ал эми падыша болсо ар күнү жаны мыйзамдарды кабыл ала берет. Ошентип элди жазалаган мыйзамдардын саны күн санап өсө бериптир.

Кокустан эле бир күнү падыша жаман адаттарын таштап, жакшы болуп өзгөрүп калат. Бүт элге жар салган жарчылар кечелерде падышанын жакшы жакка өзгөргөнүн жарыялашат.

Эл бул кабарга алгач анча деле ишенишпейт. Көп өтпөй бул кабар чындыкка айланат.

Мына ушинтип падышанын өзгөргөнүн тастыктаган иштер акырын ишке аша баштайт. Өлкө ичинде адилетсиз, караңгы күндөр артта калып, жыргал жана жай турмуш орношот.

Албетте бул абалга эл аябай таң калат. Анан калса вазирлери бул өзгөрүүнүн себебин билгилери келет.

Бир куну башкы вазир падышага келип:

— Улуу урматтуу падышам! Уруксат берсениз, мен сизге тынчымды алган бир суроону бергим келип турат. Бул өзгөрүүнүздүн себеби эмнеде?- деп сурайт.

Анда падыша күлүмсүрөп:

— Мени токойдо керген бир окуя өзгөрттү. Ууга чыккан элем. Жолдо баратып бир итти көрдүм. Түлкүнү аңдып туруп, аны кармап алды. Түлкүнүн бутунан тиштеп алып, ары бери жулкулдатты. Түлкү иттен араң кутулуп, акыры эптеп качып кетти. Ит кайра аны издей баштады. Издеп баратып аттын жанына келгенде, ат аны катуу тээп жиберди эле, анын да буту аксап калды. Анан мен атты карап турдум. Ат чуркап баратып аңга байкоосуздан буту түшүп кетти да, анын буту сынып калды… Мына ушул окуялар мага чоң сабак болду. Мен мындан: «Демек эч нерсе жоопсуз калбайт тура. Баардык кылган иштериңдин акыбети өзүңө кайтып келет экен» деген натыйжа чыгардым да, бул мыйзамдарды жеңилдттим. Мен кылмышкерге дароо жаза бербестен ага убакыт беришим керек экенин түшүндүм, — деп жооп берген экен.

Топ 10 популярдуу жомок

Ырдын атыLike саны
Алтын балык335
БУГУ ЭНЕ(«Ак кеме» повестинен үзүндү)97
Эмгекчил болуу - Амалкер коён84
Эр жүрөк эшек60
Кыска жана күлкүлүү жомоктор53
Туяк жөнүндө сөз41
Ким күчтүү35
Акылдуу кыз жомок34
Алданбоо - Чоң эне жана түлкү34
Дервиштин кызы31

Сизге жактыбы? Комментарий жазыңыз

Сиздин email адрес жарыяланбайт.