Булбул аудиосун угуу

Байыркы заманда бир чал булбул менен дос болуптур. Чал мергенчи да, комузчу да экен. Ал ар күнү мылтыгын ийнине асып алып, токойдон кийик  атып келип  оокатын  өткөрөт.  Токойдо  сайраган  түрдүү  канаттуу куштардын  үнүн  угуп,  үйүнө  келгенде  аларды  тууратып  комуз  чертип, түрдүү-түрдүү күү чыгарат.

Күндөрдүн биринде булбул чалдын күүсүнө кызыгып:

— Досум, мага күүлөрүңдү үйрөтүп койчу, — дейт.

— Макул, — деген чал ар күнү кийиктен келгенде комузун колуна алып, ар кандай мукам күүлөрдү кубулжута сайратып черткенде булбул тыңшап, анын  күүлөрүн  туураганга  тили  жатыга  баштайт да,  аздан-аздан  үйрөнүп кетет. Бара-бара тим эле комуздай таңшытып, бүт үйрөнүп алат.

Булбул кийин абдан такшалат. Анын  сайраганын  уккан  эл  тыңшап  эле  олтургусу  келип,  таңгалышат. Ошондо абышка тигиге кайрылат.

— Досум, сенин сайраганың бүткүл элге жагып калды, бардыгы эле уккусу  келишет.  Бирок  күндүзү  иш  менен  күйпөлөктөп  жүрүшүп  жакшы угалбай калышат экен.  Ошондуктан  түнкүсүн  сайрап жүр. Эл түнкүсүн бош. Ошол бош убактыларында сайраганыңды угуп ыракаттанса жаманбы, – дейт.

Ошондон тарта досунун суранычы менен булбул куш дайыма түнкүсүн сайрап калган экен.

Топ 10 популярдуу жомок

Ырдын атыLike саны
Эне жана бейиштин мөмөсү244
Акылман казы жомогу192
БУГУ ЭНЕ(«Ак кеме» повестинен үзүндү)176
Ак эмгек – даамдуу нан175
Толубай сынчы жомок137
УБАДАГА БЕК ЖИГИТ118
Алданган бүркүт94
МАНСАПКОР КҮЧҮК92
Жорунун билемди үйрөнгөнү жомогу86
Карышкыр жана жети улак84

Один комментарий к “Булбул”

Сизге жактыбы? Комментарий жазыңыз

Сиздин email адрес жарыяланбайт.